სასწავლო პროექტის გეგმა

მეცხრე დღის რეფლექსია

ტრენინგის ბოლო  დღე  გეგმის საბოლოო ვარიანტის დახვეწით დავიწყე. გადავხედე ყველა ნამუშევარს, შევამოწმე, შევიტანე საბოლოო შესწორებები, რომ ასატვირთად მზად მქონოდა. დარჩნილი მქონდა ბოლო აქტივობა,ეს იყო მასწავლებლის თემატური პორტფოლიოს პრეზენტაცია, რომელიც ტრენერის რეკომენდაციების შემდეგ ადვილად გავაკეთე. დასრულებული მასალები ავტვირთე ბლოგზე.
მიმაჩნია, რომ  აღნიშნული ტრენინგი იყო ძალიან სასარგებლო, შრომატევადი და ყველა მასწავლებლისათვის მნიშვნელოვანი, რაც აუცილებლად დაეხმარება თითოეულ ჩვენგანს საწავლო პროცესის უკეთ და საინტერესოდ წარმართვისათვის.
სამომავლოდ ახალი სასწავლო წლის დასაწყისისათვის დაგეგმილი ნებისმიერი სასწავლო პროექტი ბევრად უფრო სრულყოფილი გამომივა,რადგან აქ მიღებული ცოდნა, უნარები და გამოცდილება გამომადგება.

მერვე დღის რეფლექსია

დღეს თავიდან გადავხედეთ შესრულებულ აქტივობებს და კიდევ უფრო დავხვეწეთ. ამ ხნის განმავლობაში საკმაო ცოდნა დაგვიგროვდა, რომელსაც პრაქტიკული მიზნებისთვის გამოვიყენებთ. შევქმენით მოსწავლის სამუშაო შაბლონი, შევამოწმე ყველა ფაილი. მიხარია, რომ დავძლიე გარკვეული პრობლემები.

მეშვიდე დღის რეფლექსია

დღე დაიწყო შესრულებული სამუშაოს განხილვითა და შეფასებით. ტრეინერმა  განიხილა ყველა ის აქტივობა, რომლებიც შევასრულეთ. შემდეგ დეტალურად აღწერა საწავლო პროცედურები და ამ პროცედურების თანმიმდევრობა და მათი მნიშვნელობა. გავიგე თუ როგორ  შეიძლება მოსწავლის პროვოცირება იმისათვის, რომ ყოველგვარი ძალდატანების გარეშე თვითონ იყოს პროექტზე მუშაობის ინიციატორი. ჩემთვის საინტერესო იყო მოდელირებაზე საუბარი, ხმამაღალი ფიქრი, რომლითაც ხდები მოსწავლის მისაბაძი მაგალითი. მოგვაწოდა რესურსები, რომლებსაც გამოვიყენებთ განსაკუთრებული საჭიროების მოსწავლეებისათვის.

მეექვსე დღის რეფლექსია

   დღესაც შეფასების რუბრიკებზე ვიმუშავეთ. შესრულებული დავალებების განხილვის შემდეგ გავეცანი მზა პროდუქტის შეფასების სქემებს. ტრეინერმა ყველა სქემა დეტალურად განიხილა. ზოგიერთი რუბრიკა ჩემთვის სიახლე იყო.   ჩამოვყალიბდი, თუ რა ტიპის პროდუქტს შევქმნიდი და შეფასების რუბრიკაც მას შევუსაბამე. ტრეინერმა გაგვაცნო საპრეზენტაციო პროგრამა, მისი სპეციფიკა და ეფექტები. 

         მიხარია, რომ ყოველდღიურად ცოდნას ვიძენ.

მეხუთე დღის რეფლექსია

ტრენინგის მეხუთე დღე დაეთმო შეფასების რუბრიკების გაცნობას.ტრენერმა ცალ–ცალკე განიხილა ის მეთოდები რომლებიც მოსწავლეთა საჭიროებების დადგენაში დაგვეხმარება.  ესენი იყო:T–სქემა,დროის გრაფიკი, ვენის დიაგრამა, K-W-L ცხრილი და სხვა.ასევე ვისაუბრეთ მოსწავლეთა თვითშეფასებასა და ერთმანეთის შეფასების მნიშვნელობაზე.ყოველივე ეს აუცილებელია სასურველი შედეგის მისაღწევად.
     დღე მეტად საინტერესო და მნიშვნელოვანი იყო.

მეოთხე დღის რეფლექსია

დღე ძალიან საინტერესოდ წარიმართა. დავიწყე უშუალოდ კონკრეტულ პროექტზე მუშაობა. განვსაზღვრეთ პროექტის მიზნები და ამოცანები. მივიღეთ დავალებები და იმედია თავს წარმატებით გავართმევთ.

მესამე დღის რეფლექსია

დღეს კიდევ ერთხელ გადავხედეთ ეროვნული სასწავლო გეგმით გათვალისწინებულ მისაღწევ შედეგებს საგნების მიხედვით, გავეცანით სასწავლო  კვლევის ეტაპებს, განვიხილეთ პროექტისთვის კვლევითი ამოცანების ზოგიერთ მაგალითები. დავიწყეთ ფიქრი მომავალი პროექტის ჩარჩოზე რომელიც მორგებული უნდა იყოს 21–ე საუკუნის უნარებს. ყოველივე ამის გათვალისწინებით დღე საინტერესო და მნიშვნელოვანი იყო

პირველი მოდულის რეფლექსია

პირველი დღე საინტერესო იყო ორი რამით: ერთი იმით, რომ გავიცანი ტრენერი ბატონი გიორგი ხომასურიძე და ჯგუფის წევრები და მეორე დავიწყეთ სწავლა, თუ როგორ გამოვიყენოთ თანამედროვე ტექნოლოგიები პროექტებით სწავლებისას. იმედია მომდევნო დღეები კიდევ უფრო საინტერესო იქნება

i9;' gt7ldr6rd5